Куçăн мар (заочнăй) уйрăма вĕренме кĕмелли заявленисене раштав (декабрь) уйăхĕн 31-мĕшĕччен йышăнаççĕ. Çак йĕркене раштав уйăхĕн 3-мĕшĕнче И.Н. Ульянов ячĕллĕ Чăваш патшалăх университечĕн Ăслăх канашĕнче çирĕплетнĕ, ăна абитуриентсемпе вĕсен ашшĕ-амăшĕсен сĕнĕвĕсене шута илсе пăхса тухнă.
Чăваш филологи уйрăмне вĕренме кĕрекенсен çакăн пек экзаменсем тытмалла:
1. Вырăс чĕлхи (ЕГЭ)
2. Вырăс литератури (ЕГЭ)
3. Обществознани (ЕГЭ)
4. Чăваш чĕлхипе литератури (сочинени, факультетра çыртараççĕ).
Журналистика уйрăмне вĕренме кĕрекенсен çакăн пек экзаменсем тытмалла:
1. Обществознани (ЕГЭ)
2. Вырăс чĕлхи (ЕГЭ)
3. Вырăс е чăваш чĕлхипе литератури (сочинени, факультетра çыртараççĕ)
4. Собеседовани (факультетра иртет).
Профессиллĕ вăтам пĕлӳ илнĕ абитуриентсем экзаменсене университетрах, традициллĕ формăпа тытаççĕ.
