Çамрăксен ĕçĕсене туса пыракан Федераллă агентство тата Раççей студенчĕсен «Росстуденчество» центрĕ, çавăн пекех çамрăксен «Георгиевцы» пĕрлешĕвĕ тата Раççей Федерацийĕнчи аслă шкул вĕренӳ учрежденийĕсем 2017-мĕш çулхи сентябрĕн 1-мĕшĕнчен пуçласа студентсем валли «Пĕр тан калаçу» дискусси клубĕсем ирттерме пуçланă. Проект тĕллевĕ – пысăк çитĕнӳсем тунă паллă çынсемпе тĕл пулусем ирттерсе студентсене паянхи Раççей вăл – тĕрлĕ сферăра тата тĕрлĕ регионта хăвна аталантармалли майсем туса паракан çĕршыв пулнине кăтартса парасси.
![](/images/news_img/19-03-29/300319_5.jpg)
Федераллă проектпа килĕшӳллĕн, черетлĕ пĕр тан калаçу «Чăваш ен» телерадиокомпани ертӳçипе Канюка Екатерина Анатольевнăпа иртет. Вăл 2001 çулта Чăваш патшалăх университетĕнчен вĕренсе тухнă, журналист профессине алла илнĕ. Тĕл пулу теми – «Медиасферăри ăнăçу. Нумайăшĕнчен пĕри е нумайăшĕнчен пĕрремĕшĕ».
Тĕл пулу ака уйăхĕн 3-мĕшĕнче иртет, И.Я. Яковлев ячĕллĕ Чăваш патшалăх педагогика университетĕнче (Шупашкар хули, К. Маркс урамĕ, 38-мĕш çурт,) 330-мĕш пӳлĕмре 13 сехетре пуçланать.