Олимпиадăна Чăваш патшалăх университетĕнчи ют чĕлхесен факультечĕ йĕркелесе ирттерчĕ. Конкурс тĕллевĕ – нимĕç чĕлхине вĕренес кăмăла ӳстересси. Олимпиада заданийĕсем темиçе пайран пулчĕç: аудировани, вулав, лексикăпа грамматика, çыру тата çĕршыв çинчен пĕлесси. Олимпиада çыракансем палăртнă тăрăх, конкурс ыйтăвĕсем кăткăс, анчах интереслĕ пулчĕç.
Олимпиадăна хутшăнакансене сертификатсем, çĕнтерӳçĕсене дипломсем парса чысласси ака уйăхĕн 24-мĕш кунĕнче иртĕ.
