Уява министерство представителĕсем, культурăпа искусство деятелĕсем, студентсемпе шкул ачисем, вĕрентекенсем, поэтсемпе писательсем пуçтарăнчĕç.
Чăваш Республикин культура, наци тата архив ĕçĕн министр çумĕ Галина Чернова, Чăваш наци конгресĕн президенчĕ Николай Угаслов тата творчество интеллигенцийĕн представителĕсем салам сăмахĕсемпе тухса калаçрĕç.
Мероприятие ертсе пыракансем чăваш халăхне Белоруссирен, Болгарирен янă саламлă çырусене вуласа пачĕç.
«Анлăн янăра, чăваш чĕлхи!» концерт программи уява илемлетсе пухăннисен кăмăлне çĕклерĕ.
Митинг И.Я. Яковлев палăкĕ умне чечек çыххисем хунипе вĕçленчĕ.
